آؤ بچو ۔ سنو کہانی

کہتے ہیں ایک خوبصورت باغ تھا جس کا رقبہ دس ہزار مربع میٹر تھا ۔ اس باغ میں مالٹے کے درخت لگے تھے ۔ ان درختوں پر دنیا کی بہترین قسم کے مالٹے لگتے تھے ۔ باغ کا مالک خاندان خوشحال تھا اور ہنسی خوشی دن گذر رہے تھے ۔ ایک دن کیا ہوا کہ مسلحہ آدمی آئے اور باغ پر قبضہ کر کے اس کے مالکوں پر حملہ کردیا ۔ مالکوں میں سے کچھ مر گئے اور کچھ اپنی جان بچا کر خالی ہاتھ بھاگ گئے ۔ جو لوگ بچ گئے تھے انہوں نے بہت واویلا کیا دہائی دی مگر کسی کو ان پر رحم نہ آیا ۔ آخر ان کا ایک آدمی ایک دن چوری چھپے اپنے چھنے ہوۓ علاقہ میں گھسا اور ایک درخت کو آگ لگا کر بھاگ گیا ۔ پھر کبھی کبھی یہ واردات دہرانہ شروع کر دی ۔ اس پر علاقہ میں شور مچ گیا ۔ بات وڈیرہ سائیں تک بات پہنچی ۔ وڈیرے نے فیصلہ کیا کہ باغ کا کچھ حصہ مالکوں کو واپس کر دیا جائے ۔ بڑی مشکل سے قابض ایک سو مربع میٹر یعنی کل باغ کا ایک فیصد واپس کرنے پر راضی ہوئے وہ بھی اس طرح کہ اس میں جتنے درخت تھے وہ اکھیڑ دیئے ۔ وڈیرہ سائیں اور اس کے حواریوں نے قابضوں کی دریا دلی کی اس بنیاد پر تعریف کی کہ کون لی ہوئی چیز واپس کرتا ہے ۔

بچو بات سمجھ میں آئی ؟

باغ کے مالک فلسطینی ۔ قبضہ کرنے والے اسرائیلی ۔ وڈیرہ امریکہ اور امریکہ کے چیلے حواری ۔